Ευχή εις τον Κύριον και πάντας τους Αγίους εξομολογητική

[gkou]

Ευχή εις τον Κύριον και πάντας τους Αγίους
εξομολογητική

Κύριέ μου, Κύριε, γλυκύτατέ μου Ιησού Χριστέ, ο Θεός των οικτιρμών, η του ελέους άβυσσος, ο μετανοών επί κακίαις ανθρώπων. εμέ μετανοούντα αρτίως και πίστει προσερχόμενον υπόδεξαι, και ελέησόν με τον αμαρτωλόν, τον άσωτον, τον παμβέβηλον ,τον πανάθλιον, τον βλάσφημον, τον επίορκον, τον ψεύστην, τον λοίδορον, τον υβριστήν, τον κατάλαλον, τον οργίλον, τον μνησίκακον, τον φθονερόν, τον σκανδαλοποιόν, τον άσπλαχνον, τον ανελεήμονα, τον φιλοκτήμονα, τον φιλόδοξον, τον φιλήδονον, τον γαστρίμαργον, τον μέθυσον, τον ράθυμον, τον γελωτοποιόν, τον μετεωριστήν, τον κενόδοξον, τον υπερήφανον, τον καταφρονητήν των θείων σου εντολών. Και μη δια το πλήθος των τοσούτων μου εγκλημάτων τω πλήθει υποβάλης με των κολάσεων. αλλά συ, Κύριε Ιησού ο Θεός μου, ο μακρόθυμος και οικτίρμων, οικτείρησον την εμήν καρδίαν την συντετριμμένην ταις αμαρτίαις και κατακεκριμένην υπό του συνειδότος, δια το μη φυλάξαι τας ιεράς συνθήκας του αγίου βαπτίσματος. Και νυν δια ταύτας τας υποσχέσεις στενάζω και οδύρομαι ελεηθήναι δωρεάν και μόνη τη ση χρηστότητι συγχωρηθήναι δεόμενος ,και των κολάσεων ελευθερωθήναι εν τη φοβερά ημέρα της κρίσεως. Ναι, Κύριέ μου, Κύριε, γλυκύτατέ μου Ιησού, σώσον με απεγνωσμένον και μη καταισχύνης με από της ελπίδος και προσδοκίας μου. Οικτείρησόν με τον τους οικτιρμούς σου επικαλούμενον, καθάρισόν με τον εσπιλωμένον, λεύκανον τον χιτώνα και διάσωσόν με τον άσωτον. μη κατακρίνης τον κατακεκριμένον, μη παραδώς τοις νοητοίς θηρίοις, ψυχήν επικαλουμένην σε, μη τη φλογί της γεέννης καταδικάσης με δια την παράβασιν των υποσχέσεων και ιερών συνθηκών του αγίου βαπτίσματος.
Κύριέ μου, Κύριε, γλυκύτατέ μου Ιησού, ο μακρόθυμος και ανεξίκακος και αμεταμέλητος εν τοις χαρίσμασι σου, καταξίωσόν με από της σήμερον ειλικρινώς σοι λατρεύσαι εν αγαθοίς έργοις προς το ποιήσαι τινα καρπόν της μετανοίας επάξιον. Κύριέ μου, Κύριε, γλυκύτατέ μου Ιησού, παντοκράτορ, μεγαλοδύναμε, κραταιέ, εμφύτευσον τη καρδία μου τον φόβον σου και την αγάπην των νόμων σου, τον νουν μου καταύγασον ταις ακτίσι των χαρισμάτων σου, τας αισθήσεις μου τω λόγω σου υπόταξον, την θέλησίν μου προς το μόνον αληθινόν εφετόν επίστρεψον, την γλώσσαν μου παιδαγώγησον, ίνα λέγη, καθʼ εκάστην . Κύριε Ιησού Χριστέ, Υιέ του Θεού, δια της μακαρίας αειπαρθένου Θεοτόκου, ιλάσθητί μοι τω αμαρτωλώ και σώσον με, Κύριε, δια του τιμίου σου και ζωοποιού σταυρού ,φύλαξόν με. Κύριε, δια των αγίων σου Αγγέλων τείχισόν με. Κύριε, δια των αγίων σου Αποστόλων και Μαρτύρων όπλισόν με. Κύριε, δια των Αγίων σου πάντων ,κατάπεμψον επʼ εμέ το μέγα σου έλεος και δωρεάν σώσον με τον ωνητόν τω υπερτίμω σου αίματι.
Τας πολυχρονίους των αμαρτιών μου κηλίδας εξάλειψον, τα της λαγνείας και πονηρίας πνεύματα απʼ εμού αποδίωξον, των του παρόντος αιώνος προσπαθειών με απάλλαξον, όλον με προς την αγάπην της αϊδιότητος έλκυσον και την στενήν και τεθλιμμένην οδόν οδεύειν ενίσχυσον μέχρι της εσχάτης μου ημέρας και ώρας και αναπνοής , όπως Αγγέλοις αγαθοίς την ψυχήν μου αναθώ, και των τελωνίων του αέρος ελευθερωθώ,και τοις απʼ αιώνος αγίοις συναριθμηθώ ,και των αιωνίων αγαθών καταξιωθώ.
Ευσπλαχνικωτάτη του γλυκυτάτου μου Ιησού Μήτηρ, πρέσβευε υπέρ εμού του αθλίου και αμαρτωλού, ίνα εισακούση της πενιχράς δεήσεως ο Υιός και Θεός σου.
Σταυρέ πανσεβάσμιε, το όπλον της σωτηρίας ημών , της ημετέρας σωτηρίας το σύμβολον ,αποδίωξον απʼ εμού πάντα πονηρόν λογισμόν και πάσαν επιβουλήν της του αντικειμένου δυνάμεως, δια δαιμόνων και ανθρώπων ενεργουμένην.
Παμμέγιστοι ταξιάρχαι ,Μιχαήλ και Γαβριήλ, εγγυηταί μου και ρύσται . Άγιε Άγγελε ,φρουρέ μου και φύλαξ, και πάντες άγιοι Άγγελοι του Θεού, οδηγείτε με εις το πανάγιον του Θεού θέλημα, αντιλαμβάνεσθέ μου της ασθενείας, ην και σωματι και γνώμη περίκειμαι, φυλάττετέ με εκ των επιβουλών του εχθρού και πρεσβεύσατε τω ελεήμονι Δημιουργώ ,ίνα ελεήση με τον παραβάτην των αγίων αυτού εντολών ,και εν ειρήνη ψυχής και μετανοία αληθινή δώη μοι πολιτεύεσθαι μέχρι του της ζωής μου τέλους. Και εν τη εξόδω της ψυχής μου από του σώματος παράστητέ μοι εγγύθεν παρήγοροι περιθάλποντες ,περιφρουρούντες και πληροφορούντες μοι την απαλλαγήν των υπό γην κολαστηρίων δια μόνην την του Θεού ελεημοσύνην.
Άγιε ένδοξε Ιωάννη, προφήτα και πρόδρομε και βαπτιστά του Κυρίου ημών Ιησού Χριστού, πρέσβευε υπέρ εμού του αμαρτωλού.
Άγιοι ένδοξοι θεοκύρηκες και πρωτοκορυφαίοι Απόστολοι, Πέτρε, Παύλε, Ιωάννη Θεολόγε, συν τοις λοιποίς Ευαγγελισταίς και Αποστόλοις, πρεσβεύσατε υπέρ εμού του αμαρτωλού.
Άγιοι και δίκαιοι θεοπάτορες , Ιωακείμ και Άννα, Ιωσήφ μνήστορ και Συμεών θεοδόχε, πρεσβεύσατε υπέρ εμού του αμαρτωλού.
Άγιοι πατέρες, ποιμένες και διδάσκαλοι της οικουμένης , Βασίλειε, Γρηγόριε, Ιωάννη Χρυσόστομε, Αθανάσιε, Κύριλλε, Νικόλαε, Σπυρίδων και πάντες άγιοι Ιεράρχαι , πρεσβεύσατε υπέρ εμού του αμαρτωλού.
Άγιοι Ιερομάρτυρες, Οσιομάρτυρες και Ομολογηταί, πρεσβεύσατε υπέρ εμού του αμαρτωλού.
Άγιοι μεγαλομάρτυρες, Δημήτριε, Γεώργιε, Θεόδωρε ,Αρτέμιε, οι Τεσσαράκοντα και πάντες άγιοι Μάρτυρες , πρεσβεύσατε υπέρ εμού του αμαρτωλού.
Άγιοι ανάργυροι και θαυματουργοί, Κοσμά και Δαμιανέ, Κύρε και Ιωάννη, Παντελεήμον και Ερμόλαε και οι λοιποί, πρεσβεύσατε υπέρ εμού του αμαρτωλού.
Όσιοι θεοφόροι πατέρες, Αντώνιε, Παύλε, Ευθύμιε, Σάββα, Αρσένιε, Ονούφριε, Παχώμιε, Θεοδόσιε, Εφραίμ, Ιωάννη Δαμασκηνέ, Ιωάννη της κλίμακος , Πέτρε, Αθανάσιε και πάντες Όσιοι, πρεσβεύσατε υπέρ εμού του αμαρτωλού.
Οσία Μαρία Αιγυπτία, και όσαι των τιμίων και οσίων γυναικών ,αι καλώς ασκήσασαι και αθλήσασαι και τον Χριστόν ομολογήσασαι, πρεσβεύσατε υπέρ εμού του αμαρτωλού.
Άγιοι πάντες, οι απʼ αιώνος ευαρεστήσαντες τω Κυρίω, πρεσβεύσατε υπέρ εμού του αναπολογήτου και υπέρ πάντας τους απʼ αιώνος αμαρτωλούς αμαρτωλού.
Ων τας ικεσίας και παρακλήσεις προσδεξάμενος και εισακούσας, Κύριέ μου, Κύριε, γλυκύτατέ μου Ιησού, συγχώρησόν μοι ει τι σοι ήμαρτον από γεννήσεώς μου και μέχρι της νυν ημέρας και ώρας, εν λόγω, έργω, γνώσει και αγνοία, κατά νουν και διάνοιαν και εν πάσαις μου ταις αισθήσεσιν. Ωσαύτως συγχώρησον και ελέησον και τους πατέρας και αδελφούς μου, και πάντας τους απανταχού αρχιερείς, ιερείς, μοναχούς, και ορθοδόξους χριστιανούς, και τους μισούντας και αγαπώντας με ,και τους ελεούντας και διακονούντας μοι ,και τους εντειλαμένους μοι τω αναξίω εύχεσθαι υπέρ αυτών. Και ους έβλαψα ή ελύπησα ή κατηρασάμην, και τους τα αυτά μοι ποιούντας ή ποιήσαντας , και χάρισαι τα συμφέροντα ταις ψυχαίς ημών, εν τω νυν αιώνι και εν τω μέλλοντι, ως ευδοκεί η φιλανθρωπία σου. Ανάπαυσον και τους προαπελθόντας πατέρας και αδελφούς ημών. Και διʼ ευχών πάντων οικτείρησόν μου την αθλιότητα, και ποίησόν με οίον θέλεις και ως θέλεις, καν θέλω καν μη θέλω.
Και καταξίωσόν με ανενόχως και ακατακρίτως μεταλαβείν των αχράντων και ζωοποιών σου μυστηρίων, και μη εις κρίμα ή κατάκριμα γένοιτό μοι, αναξίως τούτοις προσερχομένω, αλλʼ εις ίασιν ψυχής και σώματος, εις απαλλαγήν των αιωνίων κολάσεων, και εις αρραβώνα της ατελευτήτου και μακαρίας ζωής , εν η σύνταξόν με μετά πάντων των απʼ αιώνος σοι ευαρεστησάντων , Κύριέ μου, Κύριε, γλυκύτάτέ μου Ιησού. Ότι σοι πρέπει η δόξα, η τιμή , και η εκ πάντων προσκύνησις ,συν τω ανάρχω σου Πατρί, και τω παναγίω Πνεύματι, νυν και αεί και εις τους αιώνας των αιώνων. Αμήν.

Από το "Μέγα προσευχητάριον"
Α.Σιμονωφ