Δʼ . Ευχή ευχαριστήριος μετά την εξομολόγησιν
Ευχαριστώ σοι, Κύριε, Ιησού Χριστέ ο Θεός ο Σωτήρ μου, ο μακρόθυμος και πολυέλεος , ο αμνημονών επί ταις κακίαις ημών, και χαίρων επί τη επιστροφή των πεπλανημένων. Ευχαριστώ σοι, ότι καμοί τω ταπεινώ και αναξίω δούλω σου τω μυρίας δωρεάς παρά σου απολαύσαντι, και πάσας αφρόνως καταφρονήσαντι και από σου μακρυνθέντι, και απειράκις σε παροργίσαντι και ατιμάσαντι δια της των αγίων σου εντολών παραβάσεως, και εις βάθος κακιών καταντήσαντι , ευσπλαχνία χρησάμενος ,χείρα μοι ώρεξας και ήγειράς με , και ηξίωσάς με τον ανάξιον παραστήναι και προσπεσείν ενώπιον του θρόνου του ελέους σου και ζητήσαι και λαβείν άφεσιν των επταισμένων μοι, και συγκαταριθμήναι αύθις τοις εκλεκτοίς σου. Ευχαριστώ σοι, ότι ου παρείδες την ευτέλειάν μου, ουδʼ εβδελύξω την βορβορότητα των πράξεών μου, αλλʼ ως τον άσωτον εδέξω με και ενηγκαλίσω. Δυσωπώ ουν την ανείκαστον αγαθότητα ,ενίσχυσόν με του λοιπού δια της χάριτος του παναγίου σου Πνεύματος αντιπαλαίειν κατά του διαβόλου της σαρκός και του κόσμου ,και αυτής της αμαρτίας . φώτισόν μου τους νοερούς οφθαλμούς ,ίνα πορεύωμαι την οδόν των εντολών σου, και ζήσω το υπόλοιπον της ζωής μου ειρηνικόν και αναμάρτητον ,και μετά την ενταύθα ζωήν, προς σε παραγενόμενος τον Θεόν και Σωτήρα μου, ευλογώ και δοξάζω σε εις αιώνας αιώνων. Αμήν.
Από το "Μέγα Προσευχητάριον"
Α.Σιμονωφ
Ευχή ευχαριστήριος μετά την εξομολόγησιν
Συντονιστές: ntinoula, Συντονιστές