Προσευχή Ιησού υιού Σειράχ ( ναʼ 1-12 )
Εξομολογήσομαί σοι, Κύριε βασιλεύ, και αινέσω σε Θεόν τον σωτήρα μου, εξομολογούμαι τω ονόματί σου. ότι σκεπαστής και βοηθός εγένου μοι και ελυτρώσω το σώμά μου εξ απωλείας και εκ παγίδος διαβολής γλώσσης, από χειλέων εργαζομένων ψεύδος και έναντι των παρεστηκότων εγένου μοι βοηθός και ελυτρώσω με κατά το πλήθος ελέους και ονόματός σου εκ βρυγμών ετοίμων εις βρώμα, εκ χειρός ζητούντων την ψυχήν μου, εκ πλειόνων θλίψεων ων έσχον, από πνιγμού πυράς κυκλόθεν, και εκ μέσου πυρός ου ουκ εξέκαυσα, εκ βάθους κοιλίας άδου, και από γλώσσης ακαθάρτου και λόγου ψευδούς. Βασιλεί διαβολή εκ γλώσσης αδίκου. ήγγισεν έως θανάτου η ψυχή μου, και η ζωή μου ην σύνεγγυς άδου κάτω. Περιέσχον με πάντοθεν, και ουκ ην ο βοηθών• έβλεπον εις αντίλημψιν ανθρώπων, και ουκ ην. Και εμνήσθην του ελέους σου, Κύριε, και της εργασίας σου της απʼ αιώνος, ότι εξαιρή τους υπομένοντάς σε και σώζεις αυτούς εκ χειρός εχθρών. και ανύψωσα από γης ικετείας μου, και υπέρ θανάτου ρύσεως εδεήθην• επεκαλεσάμην Κύριον πατέρα κυρίου μου, μη με εγκαταλιπείν εν ημέραις θλίψεως, εν καιρώ υπερηφάνων αβοηθησίας• αινέσω το όνομά σου ενδελεχώς και υμνήσω εν εξομολογήσει. και εισηκούσθη η δέησίς μου• έσωσας γαρ με εξ απωλείας και εξείλου με εκ καιρού πονηρού. διά τούτο εξομολογήσομαί σοι και αινέσω σοι, και ευλογήσω τω ονόματι Κυρίου.
Από το "Μέγα προσευχητάριον"
Α.Σιμονωφ
Εκδόσεις Ρηγοπουλου
Προσευχή Ιησού υιού Σειράχ
Συντονιστές: ntinoula, Συντονιστές